ڕەخنەی توندی ڕوسیا لە لێدوانەکانی ئەمریکا و ڕۆژئاوا لە نەتەوە یەکگرتوەکان

بە گوێرەی ڕاپۆرتی هەواڵدەریی فەڕانسا، دیمیتری پێسکۆف وتەبێژی کۆشکی کرملینی روسیا رۆژی دوشەممە ڕایگەیاند لێدوانی نوێنەرانی ئەمریکا، بریتانیا و فەڕانسا لە نەتەوە یەکگرتوەکان لەمەڕ تۆمەتبارکردنی سوپای ڕوسیا لە سوریا بە تاوانی جەنگی  قبوڵ نەکراوە.

دیمیتری پێسکۆف ڕەوشی سوریای زۆر ئاڵۆز زانی و گروپە تیرۆریستییەکانی بە کەڵکاوەژوو گرتن لە ئاگربڕ بۆ نوێ کردنەوەی هێز و توانای خۆیان تۆمەتبار کرد.

دیمیتری پێسکۆف رونیشی کردەوە ئەو قسانە دەتوانن زەبر لە پەیوەندییەکانی ڕوسیا و بریتانیا بدەن.وتەبێژی کۆشکی کرملینی ڕوسیا هەروەها جەختی کرد لەسەر ئیرادەی سیاسیی روسیا بۆ بەرەوپێشەوەبردنی رەوتی ئاشتی لە سوریا.

سامانتا پاور،ماتی ریکرۆف، فڕانسوا دلاتر نوێنەرانی ئەمریکا و بریتانیا و فەڕانسا لە نەتەوە یەکگرتوەکان پێشوتر ڕەخنەیان لە پەلامارە ئاسمانیەکانی ڕوسیا بۆ سەر گروپە تیرۆریستییەکانی پاڵپشتی کراوی خۆیان گرتبوو و مسکۆیان بە پەلاماری رێک خراو و بەرنامە بۆ داڕێژراو تۆمەتبار کردبوو.

پاش تێپەڕینی سێ رۆژ لە  رێککەوتنی ئاگربڕی نێوان ئەمریکا و ڕوسیا لە سوریا، گروپە تیرۆریستییەکانی پاڵپشتی کراوی رۆژئاوا زیاتر لە 300 جار ئەو ئاگربڕەیان پێشێل کردوە.

بە شکستی ئاگربڕی رێککەوتن لەسەر کراوی ئەمریکا و ڕوسیا گۆڕەپانی جە نگی حەڵەب پێی ناوەتە قۆناغێکی تازە....

کۆتایی کورتە نامە/310